ՔԴԿ

Շիրակի թեմի Քրիստոնեական Դաստիարակության Կենտրոնը Հայ Առաքելական Սուրբ Եկեղեցու Շիրակի Թեմի կառույցներից մեկն է, որի ստեղծման նպատակն է՝ հայ քրիստոնյային ավելի մոտեցնել Աստծուն ու օգնել դառնալ Հայ Առաքելական Սուրբ Եկեղեցու մի մասնիկը: Այն շուրջ 20 երկար տարիներ  հոգևոր-դաստիարակչական գործունեություն է ծավալում` ի հոգևորս մաս կազմելով Մայր Աթոռ Սուրբ Էջմիածնի Քրիստոնեական Դաստիարակության Կենտրոնի:

Կենտրոնն այսօր ղեկավարում է Արժ. Տ. Նշան քհն. Պանֆյորովը, ով նաև Գյումրու Ս. Սարգիս մատուռի հոգևոր հովիվն է:

Տիրոջ այգու 27 մշակներ օրավուր Աստծո խոսքն են սերմանում տարածաշրջանի թվով 3 հասարակական կազմակերպություններում, 2 մանկատներում, 10 նախադպրոցական հաստատություններում  և 10 Կիրակնօրյա /մեկօրյա/ հոգևոր դպրոցներում:

Այսօր կենտրոնը շարունակում է իրագործել իր առաքելությունը հետևյալ ուղղություններով՝

1. Մանկապարտեզներ, մանկատներ, ՀԿ
2. Կիրակնօրյա դպրոցներ
3. Սոցիալական դիակոնիա:

Կենտրոնի 20-ամյա գործունեության ընթացքում պատրաստվել են կիրակնօրյա դպրոցների բազմաթիվ ուսուցիչներ, ովքեր այսօր դասավանդում են կիրակնօրյա վարժարաններում:

ՔԴԿ-ի տնօրեն Տ. Նշան քհն. Պանֆյորովը գրեթե 4 տարի անկացրել է Աստվածաշնչյան սերտողության դասեր, որոնց մասնակցել են տարբեր տարիքի անձինք՝ ստանալով իրենց հուզող բոլոր հարցերի պատասխանները:

ՔԴԿ-ում տպագրվում է նաև հոգևոր գրականություն և բաժանվում հիմնականում երեխաներին ու երիտասարդներին:

Այսօր ՔԴԿ-ն իր գործունեության մեջ շեշտը դրել է երեխաների հոգևոր-ազգային դաստիարակության վրա, քանի որ երեխաներն են մեր Հայոց եկեղեցու և պետության ապագան:

հետևեք նաև ֆեյսբուքյան էջը և մեր բլոգը